Inaw n M.A.Jinnah ɣef temsalt n tlelli i tadersa

Jinnah test

Wagi d inaw n Muḥammad Ali Jinnah, vava-t n uwanak n Pakistan, i wugdud amarikani di 1938, anida yessawal ɣef temsalt n tlelli i Yinselmen n Lhend. Awalen lhan aṭas ɣef utseqsi n wumkan n tidersiwin di tmura tifidiraliyent.

« Ẓriɣ agdud n Marikan iḥemmel nezzeh ayen icudden ɣer Lhend. Ad wen-d-azneɣ azul-iw s yisem n Yinselmen n Lhend. Ttḥulfuɣ tessaramem-aɣ ala ayen yelhan. Akken teẓram aṭas n ccetlat, n tmuɣliwin d ledyan i yeččuren lqaɛa meqqren n Lhend, dɣa deg-s llan sin n waɣlanen: Ihundusen d Yinselmen.

Miyat imelyunen n Yinselmen ur nezmir ad t-neḥseb d tadersa. Aql-aɣ deg 70 imelyunen d amdan, nezdeɣ deg usamar-agafa d umalu-agafa n Lhend. D nekni i yellan s waṭas deg tama-ayi n tmurt, 70% d ayla-nneɣ, ayen d-yegran d Ihendusen i t-yeṭṭfen.

Nebɣa beṭṭu n Lhend ɣef snat n tmura, Hindustan akked Pakistan, acku d ta kan i d tifrat ara iḍemnen tilelli i snat n tamiwin, ama d Ihendusen neɣ d Inselmen, ara yessalin leḥkem iṣeḥḥan, irekden deg Hindustan d Pakistan. Umneɣ d annect-a ara d-yessersen tagmat d rreḥma akken tella deg Kanada d Iwunak-Yedduklen akked Tmura nniḍen yellan deg tama ufella neɣ n wadda n Marikan.

Ihendusen n Lhend d Inselmen n Lhend yessefk ad ferqen, axaṭer d snat n Tmura yemxallafen, mačči yiwet-nsent, ta deg webrid ta deg webrid nniḍen. Ǧǧet-iyi ad wen-d-mleɣ kra seg wayen i ɣ-ixulfen; nemxallaf deg umezruy, deg yidles, deg tutlayt, deg wamek nettfeṣṣil ixammen-nneɣ, deg leqwanen, deg leɛwayed, deg wamek nḥesseb ussan, deg tmetti d wamek nesselḥaw timsal n tudert-nneɣ.

Yiwet n Lhend mačči d ayen yettumeknen. Ma teqqim akka, lmeɛna-s Inselmen rewlen-d seg tmhersa n Yigliziyen i wakken ad d-ɣlin ger yifassen n Yihendusen d leɛwayed-nsen; ayen werǧin ad t-qeblen Yinselmen.

Ma neqqim d tadersa deg Lhend, yessefk fell-aɣ ad nidir seddaw leɛnaya n Yihendusen i yesɛan 03 tikwal n lɣaci i nesɛa, aya anamek-is tamurt ad tesselḥaw tayeḍ. Leḥkem am wa, ur nesɛi lhiba, ur nettqadar yiwen, d awezɣi ad yili. Leḥkem am wa, ala adebbuz ara yesseqdac. D awezɣi ad yettkel ɣef yimelyunen n Yinselmen ad ttekkin s lebɣi-nsen. Lemmer Igliziyen ur d-ggaren ara iman-nsen i wakken ad frun akken yessefk aɣbel-a meqqren, duleqrar ar twaɣit i nteddu, d tawaɣit ara d-yeglun s wayen n diri d dder i talwit deg ddunit. Tifrat-nneɣ n wefraq n Lhend ad tefk i Yihendusen ¾ deg tmurt, Inselmen ad sselḥun lecɣal-nsen deg rrbeɛ i d-yegran, akka ad d-lalent snat n tmura ara yidiren s yidles-nsent, s ttexmam-nsent akken ad snernint talwit d tikli ɣer sdat n ddunit akken ma tella.

Inselmen bɣan tilelli ugar n medden irkelli. Axaṭer tayri n tlelli d tegmat ttazzalent deg yidammen-nsen. Meɛna tilelli yessefk ad d-tili d tidet d tilelli ɣef udebbuz, ama d win n Britanya neɣ n win n Yihendusen. Miyyat imelyunen n Yinselmen d awezɣi ad qebblen s ubeddel kan n uneḥkam. »

Assuqel: Berkus Tiwal

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s