Edito t°3 : Tayaẓiḍt, azger, d wugdud amecṭuḥ

america

Afran n Donald Trump am uselway i Iwunak-Yedduklen n Marikan, yeldi-d yiwet tawwurt tamaynut di wumusu n taslullit n i warkayizm seg tatrarit. Ihi kan, tura ulama d anezmar umaḍlan amezwaru yeɣli-d di tasraft n tsertit « tapopulist ».

Akk-nni, a « fenomen Trump » yewḍeḍ alama d tagara, d yesseɣli-d takerhant-nni n Hillary. Maca, d tiḍet, tihina ur sxuṣen-ara tiɣẓant n lekreh. D nettat weḥdes d yal tiɣawsisin i kerhen tiserkamt tiɣerfant n tmura tasemgurit: idrimen, utxemmim yiwen, tidyanin n ccraɛ, ladɣa tanzagt di leḥkem.

Rrbeḥ-ines di tifrarin tizwarin n ukabar Democratic, wukter-is s lvoṭ n tamazdayt taberkant (At Clinton skecmen-t di lǧib-nsen kra n imraseggasen uqbel), ur yeǧǧa-ara yiwen match igerrez gar Trump d u kandida sosyalist Bernie Sanders. Igerrez acku yemseččew sin ipopulism i zgaren di timetti tamarikanit: yiwen ametti, nniḍen etno-adelsan.

Sanders yella d u kandida n imeɣban. Trump yella d u kandida n imeɣban. Di taggara, iferranen-nsen qrib kif kif-a-sen. Qrib, acku lxilaf gar-a-sen aẓar-is di tiẓri i sɛan ɣef sseba n uṭexer-nsen. Widak ẓran-t-id di ubadu n lmal, n u kapitalizm afinansi i yuɣal-d aderwic. D nuttni d inelmaden, d i petit-bourgeois, d taserkemt talemmast. Wigi voṭan-d ɣef Sanders.

Wiyaḍ, anemgal, ẓerrun d ixf nniḍen n ta globalizasyu tadamsant: lɣurba d u kosmopolitizm adelsan, am yiwet tamara. D wa d aẓar aquran n yal iṭanen-nsen (idemsanen daɣen). Iferranen-a, d iproliṭariyen, d ifellaḥen, d icomaren. Aṭas-nsen d igellilen. Yal-a-sen d imellalen. Wigi voṭan-d ɣef Trump.

Yal medden-a sɛan yiwet taɣawsa tesseǧmaɛ-ten: agami n ta globalizasyu. Nessawal aṭas ɣef yiwen erreẓ gar « tidɣarin » d « wagdud ». Ta dikotomya-a ur teshil-ara: D acu-t « tadɣert » ? D acu-t « agdud » ? Iwacu lxilaf gar-a-sen yemɣur di zman-nneɣ akter n di zmanen ig-ɛeddan ? D tiḍet kan, talast gar isin igrawen-a, d utseqsi ɣef ta globalizasyu, d u kosmopolitizm ig-yedda d-id-s.

Di ta globalizasyu, umeṛkanti yal imkanen d axxam-is, maca d umeɣbun ur yesɛi uxxam. A kosmopolitizm yelluled umaḍal ajdid, di taggara yelha i waṭas n medden: taneɣmast globe-trotter-nni i tečča-d di yiwen resṭuran ajaponi, i yesmekti-yas usikel-ines ɣer Tokyo, ssend ad-teddem ṭeyyara ɣur Beirut, anda ad-dru i yiwen lkolok ɣef « tafsut taɛrabt ». A trader-nni n ta City n London, uzɣin mgal u Brexit, i yetseqsi yiman-is ma ur yevɣa-ara ad-i-zenz ta villa-ines di Saint Tropez bac ad-yaɣ tiyaḍ di yilel Karaib. A golden boy azziri-nni i yexbeḍ iḍelli di Club des Pins, ssend ad-iruḥ ɣer tamaneɣt n ta metropol taqdimt, i ɣef yesɛa ta nasyonalite-ines. I yal medden-agi, ta globalizasyu tesɛa lxir, aṭas n lxir.

D acu kan, i wiyaḍ, d tadyant nniḍen: asruḥu n tnekkit i yefka-d u kosmopolitizm adelsan ur yessaweḍ-ara amhis n « uneldi ɣer ddunit » s ussikel ɣer Meksiko neɣ Bangkok. Akk-nni, asruḥu n lxedma ur yessaweḍ-ara amhis n isurdiyen nniḍen. Aɣelluy d uɣelluy, taneqqiṭ. Dɣa, mi teččur tbaqiṭ, teččur. Nesmenyif ad-nvoṭi ɣef yiwen umɣar ameɣlul milyarder, war tirmit tasertant, s tbiɛa dirit, wala ɣef tamgensast n u sistem akerhan-agi.

Donald Trump yesmures uqeddec awnaf-agi n tili d u kandida n uɣref n wadda. Netta i tudert-is ur yexdim, aked yesɛu akter igratsyelen ama ligan n baseball. Tura kan, yelzem-a-neɣ ur netettu-ara usekkil etno-rasyal n rrbeḥ-agi: ddaw yiwet lɣurba tispanikt d takatolikit yal wass tamuqrant akter, ayeẓrew belli i WASP imarikaniyen tmeḥsisen taẓayt-nsen tader di tmurt-a, i ttumnen dagla-nsen mebla beṭṭu. Medden-a voṭan-d yal-a-sen ɣef Trump, yiwen urgaz n lɛerc-nsen. Am xedmen iberkanen 4 iseggasen qbel aked Obama. Amzun ttaṛ amazray ɣef u kosmopolitizm.

Tatrarit taliberalit tenɣa-d tikti taɣaṛimt. Zman amiran, d zman n taneslalit n i warkayizm imeɣlalen. Arurad amk kra ttun-ten.

Nabil Kenana

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s