Inaw n 1768 n Pasquale Paoli i wugdud akursiki

capture-decran-2016-10-30-a-00-59-11

“Ay Ikursikiyen at yiseɣ, ay ilmeẓyen at tissas, ay at tmurt-iw i ɣlayen fell-i !

Timura yak yennuɣen ɣef tlelli-nsent, akk am tmurt-nneɣ, sɛeddant tidyanin i yuran isem-nsen deg umezruy. D iɣerfan, am nekni i gan, ur ɣ-ifen la deg lkuraǧ la deg wafud, ssawḍen sfunngen yir nniya n yiɛdawen-nsen. Lemmer d lebɣi kan i ilaqen i waken ad nḥelli tilelli, tili medden yakk d ilelliyen. Dacu kan agerruj-a ur yezmir yiwen ad t-yennal mebla ma yeččur d lkuraǧ d tissas swayes ara iqabel iɛewwiqen. Liḥala d tezmert n weɣref ilelli mačči d ayen ad d-yini yiwen deg yiwen n wawal kan; d acu kan tilelli-nsen tessewham imdanen yakk, yerna ttasmen ula deg-s wiyaḍ. Atan tura, ay ilmeẓyen inifiyen, anda i tuḍen icc-is.

Ma yella ur nesseḥreṣ ara ɣef yimenɣi mgal dder i ɣ-yettganin, atan ad neglu s tirrugza d tlelli-nneɣ. ɣef ulac ihi i nettṣebbir ar assa iman-nneɣ s ccan-nneɣ . ɣef ulac ihi i yenɛettaben imezwura d yimeqqranen-nneɣ ; ɣef ulac ihi i yessuzren s tebɣest idammen-nsen. Ala, ay imezwura ifeḥliyen, kunwi yefkan tudert-nwen d asfel i wakken ad nedder d ilelliyen, ur ttkukrut ara tarwa-nwen ur ken-tettḥeccim. Teggul ar teḍfer abrid-nwen, ar temmet ur tebbub azaglu.

Ssaggaden-aɣ, qqaren-aɣ ḥadret ad tennaɣem Ifransisen; d ayen ur nettumekken. Werǧin ad namen Agellid Akrityan, sdeffir imi d-yella d amtawi gar-anneɣ d Ijinwaten, ad yuɣal assa d aɛdaw-nneɣ. Werǧin ad namen Agellid ad yuɣal d ameddakel n Tegduda n Jinwa i wakken ad yekref agdud ula d netta d ilelli yerna yeččur d tissas. Meɛna ma yella annect-a d tidet akken i d-yettban, ma Agellid ameqqran deg ddunit iɛewwel-d ɣer lgirra mgal tamurt tamecṭuḥt, ur yugiten ara seg lɣaci, leslak-nneɣ d lkuraǧ kan. Ad nefk akk ayen nesɛa i waken ad nkemmel deg wayen nefren ar tura: Ad nedder ad nemmet d ilelliyen. Awal-a ur t-id-nniɣ ara i yimaggaden d rrxas. Ma yella llan wiya seg-nneɣ, atan ad t-nenker ur llin seg-neɣ.

Irgazen ikursiyen ččuren d times icebḥen, d lkuraǧ, d lebɣi n tidet n tlelli. Mi ara ḥesbeɣ inifiyen ad d-afeɣ Ikursiyen yakk d nutni. Attan ihi tegnit ideg ara d-tesbinem tirrugza-nwen. Tirebbuyaɛ tiberraniyin rsent-d ɣef yiri n lebḥer-nneɣ, bɣant ad fkent iman-nsent d asfel i wakken ad ssiɣezfent tudert n Tgduda tamesbaṭlit. Ad naggadet nekni ad nefket tudert-nneɣ ilmend n tlelli-nneɣ , ilmend ur nennegger ara?!

Ay ilmeẓyen n lɛali, yal yiwen deg-neɣ yumen belli ur yezmir yiwen ad yidir ma truḥ-aɣ tlelli, ma tedrem tmurt-nneɣ. Eyyaw ad neggallet ad ḥadret fell-asent i snat alma d tiqqit taneggarut n yidammen-nneɣ. Mačči d ayen fessussen akken ad sseɣlin aɣref ilelli, ur yelli kra d awezɣi ɣer yergazen yeččuren d lkuraǧ d yiseɣ.”

Assuqel: Berkus Tiwal

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

Connexion à %s